Velkommen til Ulvik – Poesi, natur og livskvalitet i hjarta av Hardanger
Ulvik er ei lita og gjestfri bygd inst i Hardangerfjorden. Omgjeven av bratte fjell, grøne dalar og frukthagar, finn du eit stort mangfald av naturopplevingar, kulturaktivitetar og lokal mattradisjon.
Ulvik er medlem av Cittaslow-nettverket – ei internasjonal rørsle for livskvalitet, berekraftig turisme og gode lokalsamfunn. Samstundes er Ulvik kjend som poesibygda i Noreg, heimstaden til diktaren Olav H. Hauge.
Her kan du vandra i landskapet som inspirerte diktinga hans, besøke Olav H. Hauge-senteret, og oppleva ein rolegare rytme – i samsvar med natur og kultur.
I Ulvik finn du òg Noregs einaste Frukt- og Sider-Rute, der du kan vitja gardar, smaka lokal sider og læra meir om fruktdyrkinga i Hardanger.
Enten du vil gå i fjellet, padla på fjorden, eller oppleva kunst og historie, har Ulvik noko for dei fleste.
Legg turen til Ulvik og opplev det beste av Hardanger – i ditt eige tempo.
Dynafit Hardangervidda Marathon. Full og halvdistanse i nydeleg fjellterreng. 30. august 2025.
Vokalgruppa Moggalis Vocal i samarbeid med Dyranut Fjellstova inviterer til heilaftan med aperitif, nydeleg 3-retters middag og konsert.
Ulvik si eiga Annlaug kjem til Elvatun med eit fantastisk band. Låtane spriker i fleire sjangerretningar, indie, folk, pop, rock - men heile tida med Annlaug si stemme og hennar særpreg som ein raud tråd i det varierte uttrykket.
Med sine høge fjell, langstrakte fjord og idylliske fruktgarder, er Ulvik den perfekte staden for ein aktiv ferie. Både for deg som vil gå ein roleg søndagstur i bygda, og for deg som vil bestige ein spektakulær fjelltopp. Her er våre beste tips til ein aktiv ferie, både på land og i vatnet.
Opplev tradisjonar og fantastisk matkultur du seint vil gløyma.
Ulvik har ei lang og rik kulturhistorie. Innerst i «Perla» ligg ei rekke spanande og fascinerande spor av tida som var, med godt bevarte kulturminne i eit samfunn i stadig utvikling.
Ulvik er ein leikeplass for både små og store! Legg Noregsferien til bygda for ein fartsfylt og minnerik ferie i idylliske Hardanger. Klikk her for våre beste tips for familieferien i Hardanger.
Nokre ting berre passar ekstra godt saman. Slik er det med frukt og Hardanger.
Lurer du på korleis du kjem deg til Ulvik? Det er enkelt – anten du kjem med to eller fire hjul, langs sjøvegen eller til fots. Sjå her for informasjon om reisa inn til Ulvik.
Under opphaldet ditt i Ulvik kan ein fort trenge både det eine og det andre. Kanskje bilen stoggar, eller du treng legehjelp? Her er ei hendig oversikt over smått og stort for opphaldet ditt i bygda.
Me har serviceanlegg i underetasjen på Olav H. Haugesenteret.
Opningstid 07.00 – 23.00
Her er dusj, toalett og moglegheit for klesvask for båtfolk.
Drivstoff kan ein fylle på tankanlegget på Hjeltneskaia, på motsatt side av fjorden.
