Turisthytter Hardangervidda

Hardangervidda er eit flott turområde om sommaren. Når det gjeld overnatting kan du låne turisthyttene som Den Norske Turistforening driv. Nokre er sjølvbetjente, medan i andre får du tilbod om mat. Dei som ikkje er medlem av DNT, kan også både overnatte og få mat, mot ein litt høgare beløp.

I Ullensvang herad driv DNT fire hytter: Stavali, Torehytta, Litlos og Tyssevassbu.

Men hugs at du må vera godt førebudd for vandring på Hardangervidda. Vêr og sikt kan endre seg hardt og brutalt i den norske fjellheimen. Hugs difor alltid varme, gode kle, mat og ta med deg eit detaljert kart.

Opningstider 

Prisliste

Les dette før du begir deg ut på vandring på Hardangervidda:

• På Hardangervidda er du i villmarka. Det er ingen butikkar, lege, internett, restaurantar, minibankar er telefonforbindelse. Du kan vera mange dagars vandring frå nærmaste veg.
• Du kan kjøpe mat og overnatte i hytter som Den Norske Turistforening driv. Du kan betale kontant eller fylle ut eit betalingsskjema. I dei betjente hyttene kan du betale med kort. Les meir her: https://www.dnt.no/hytter/
• Sesongen er normalt i juli og august. Vinteren kan koma brått og brutalt, gjerne allereie i september.
• Ikkje set deg sjølv og andre i fare ved å dra ut på tur utanom sesongen, eller ved å ikkje vera godt nok førebudd eller utstyrt. Kvart år er det turistar som må reddast av lokale, frivillige redningsteam.
• Ta med varme, vind- og regntette klede. Veret i fjellet er annleis enn ved fjorden og kan endre seg raskt. Ver førebudd på låge temperaturar, også om sommaren.
• Ta alltid med eit topografisk kart (minimum 1:100 000) og kompass (gjerne også GPS). Sjølv om stien er merka, kan det vera vanskeleg å finne den, og kart og kompass gjer at du lettare kan orientere deg. Spesielt med tanke på skodda som i fjellheimen kan kome brått og uventa.
• Respekter natur og dyreliv.
• Det er ikkje tillatt å fiske utan fiskekort. Dette får du kjøpt på nettet, i turisthyttene og på Turistinformasjonen i Ullensvang.
• Ikkje kast søppel i naturen.