Familie

Noko av det du kan gjere på når du reiser med barn i Ullensvang:

Mikkelparken i Kinsarvik er ein familiepark med mange spanande innandørs og utandørs aktivitetar for dei mellom 2 og 10 år.
Kinsarvik Gokart leiger ut kartar for vaksne og barn frå 8 år og oppover.
Hardangerbrua er ein fin og lett tur, også med barnevogn. Det er også mogeleg å gå langs elva i Kinsarvik til den første fossen i Husedalen med barnevogn (med mindre det er vått og gjørmete)
Store delar av Fruktstien er asfaltert og fin å gå, også med barnevogn.
Mikkelparken Ferietun i Kinsarvik har utandørs oppvarma basseng. Om du vil bada i fjorden er det offentlege badeplassar nært Nå, Kinsarvik og Lofthus, og ved Lothe Camping.
Det er artig for barn å sjå installasjonane i prosjektet Kunstlandskap Hardanger, som finst både på Utne og Bu.
Husedalen med dei fire fossane er ein fin stad å gå tur. Alle dei fire fossane er fine, og du treng ikkje gå til alle fire for å ha ein riktig fin tur.
Elvedalen ved Lofthus er også fin å gå med barn.

Følg oss...