Trolltunga

Om

Turen til Trolltunga startar i Skjeggedal og går i høgfjellet, tar 10-12 timar (totalt 23 km t/r) og høgdeforskjellen er ca. 900 m. Det er ein lang og krevjande tur. Det går T-merka sti frå parkeringsplassen i Skjeggedal til Trolltunga. Undervegs er det skilt som viser distansen du har gått og kor langt det er att. Trolltunga er tilgjengeleg frå omlag midten av juni, avhengig av når snøen smeltar, til midten av september. Det er viktig å vurdere om ein er i god nok form og har godt nok utstyr før ein startar turen. Det er 4G-dekning med Telenor og naudnett undervegs. ÅTVARING – IKKJE GÅ TIL TROLLTUNGA OM VINTEREN. Frå slutten av februar kan ein bli med på guida truge- eller skitur med Trolltunga Active.

All naturbasert aktivitet er på eige ansvar. Det er viktig å ha gode fjellsko, ta med ekstra klede og vere førebudd på dårleg vêr. Ta med kart og kompass, rikeleg med mat og drikke, lommelykt og enkelt førstehjelpsutstyr. Vêret i høgfjellet kan endre seg raskt, sjekk derfor vêrmeldinga rett før du går til Trolltunga. Gå ikkje til Trolltunga dersom det er sterk vind, mykje nedbør eller tåke. Det er alltid kaldare på fjellet enn nede ved fjorden. Respekter naturen.

Kvart år er det redningsaksjonar etter turgåarar i vanskar. Vis aktsemd og ver godt førebudd for turen. Start tidleg om morgonen. Frå september er perioden med dagslys forholdsvis kort og nettene er ofte kalde, vi anbefaler derfor å starte seinast kl. 8.00 om morgonen.

OBS! Camping er ikkje tillatt ved turens utgangspunkt i Skjeggedal, og heller ikkje før 5 km-skiltet på turen til Trolltunga er passert. Naturen er sårbar, og turen bør helst gås som dagstur. Bruk andre nærliggjande campingplassar.

Ta kontakt med Odda turistkontor for meir detaljert informasjon om turen, kart og overnatting: turistkontor@odda.kommune.no