Tjødnadalen Gard

Om

Tjødnadalen gard ligg som eit Soria Moria slott i Oddadalen, 10 km frå Odda sentrum. Her kan ein få servert nydeleg tradisjonsmat i oppussa lokale og flotte omgjevnadar. I tillegg til servering vert også mykje av maten produsert her.

Me er opptekne av kultur og lokalhistorie og fortel gjerne historiar om garden og nærområdet. Me skipar til blåturar, firmaturar og alle typar selskap. Me tilbyr også guiding.

Me har ope heile året etter avtale. Det er plass til 45 personar i serveringslokalet. Pris etter avtale. Servering vert tilrettelagt etter kunden sine ynskjer når det gjeld mat og drikke ute og inne.

Av våre spesialitetar kan me nemna: Hardangerpølsa, pinnakjøtt, spekemat, diverse viltkjøtt samt koldtbord. Tjødnadalen Gard har bar med alle rettar.

Transport og overnatting kan ordnast. Med buss kan de verta henta, og køyrde heilt til tunet. Garden ligg 1,3 km frå Rv. 13. Du tar av hovudvegen på staden der 60. breiddegrad kryssar Oddadalen. Garden ligg ved eit tjern der huldrene gjerne tek seg eit bad, og området rundt innbyr til spanande turar på gamle stiar. Du finn mellom anna ei gamal bygdeborg ca 10 - 15 min. gange frå garden.

Velkomen til oss!