Nasjonalparkar

HARDANGERVIDDA NASJONALPARK

Hardangervidda Nasjonalpark er det største høgfjellsplatået i Nord-Europa og den største Nasjonalparken i Noreg. Dette høgfjellsområdet høver godt både for erfarne fjellfolk og for dei som ynskjer å prøve fjellferie for første gong.  Nasjonalparkområdet er godt tilrettelagt for turar sommar og vinter med merka løyper for dagsturar eller overnattingsturar. Det er mange overnattingsstadar langs Rv. 7 og på vidda. I Hardanger er det kort avstand mellom opplevingar på høgfjellet og ved Hardangerfjorden.

FOLGEFONNA NASJONALPARK

Folgefonna nasjonalpark vart etablert i 2005 og er ein av 42 nasjonalparkar i Noreg. Kjernen i nasjonalparken er isbreen Folgefonna som er den sørlegaste og tredje største isbreen i landet. I og rundt nasjonalparken er det tilrettelagt for mange spennande friluftsaktivitetar. Bli med Folgefonni breførarlag på trugetur, brevandring, isklatring eller Folgefonna på langs på ski frå mai (overnattingstur) www.folgefonni-breforarlag.no. Sommarskisenteret FONNA Glacier Ski Resort ligg på Folgefonna og har tilrettelagt for m.a. alpint, snowboard og lannrenn www.visitfonna.no. FlatEarth Adventures har breføring på Buerbreen, ein arm av Folgefonna ned mot Sandvinsvatnet i Odda www.flatearth.no. Det er fire DNT hytter i nasjonalparken- Fonnabu, Holmaskjer, Breidablikk og Sauarbrehytta. Nasjonalparken grensar til kommunane Odda, Jondal, Ullensvang, Kvinnherad og Etne.