Opplev Hardangerfjorden ved å bevega deg stille over vatnet. Best Adventures tar deg med på tur med havkajakk, og det er fleire turopplegg å velje mellom.
Det er ei oppleving å bevege seg stille på Hardangerfjorden med vidt utsyn over fjord og fjell. Best Adventures tar deg med på tur med havkajakk, og det er fleire turopplegg å velje mellom.
Den klassiske 3 timars turen er mest populær. Alle turane startar frå Eidfjord sentrum og går inn Simadalsfjorden, ein smal fjordarm omkransa av bratte fjellsider. Her får du ei uforstyrra fjordoppleving i ein del av Hardangerfjorden som er lite trafikkert. På den guida 3 timars turen får du god tid til å nyte natur og dyreliv, og det er godt mogleg at du ser nise, sel og kanskje havørn!