Ulvik Frukt & Cideri er den fyrste av tre gardar langs den einaste frukt- og siderrruta i Noreg. Garden byr på omvisingar og lokale smakar i form av eplesaft, sider og andre smakfulle gleder.
Ulvik Frukt & Cideri er ei familiebedrift på garden Hakastad. Garden ligg sørvendt og solrikt midt i fruktbygda Ulvik i Hardanger. ”Den gode eplesmaken” er basis for alle produkta deira.
Målet til garden er å utvikla ei bedrift som er tufta på kvalitet, kultur og kompetanse. Dei dyrkar dei vanlege eplesortane, men har i tillegg planta fleire gamle eplesortar og nokre engelske/franske sidersortar.
Med utgangspunkt i dette sortsutvalet, kan Ulvik Frukt & Cideri tilby ulike smaksvariasjonar av eplejuice og sider spesielle for garden Hakastad.
Prøv eplejuice og sider til ulike matrettar!
