Samlen byr på ein av dei finaste utsiktane i Hardanger. Frå toppen på 686 moh har du panoramautsikt både inn og ut fjorden - ein perfekt utfordring for ein kveldstur. NB: Stien går frå Mælsvegen.
Om
Utsikta på toppen av Samlen er spektakulær. I normalt tempo brukar ein omlag 1,5 timar opp og noko kortare tid ned. Toppen som ligger på 686 moh byr på panoramautsikt både inn og ut Hardangerfjorden, Granvinfjorden, Norheimsund, Øystese og Samladalen.
Dette er ein perfekt utfordring for ein kveldstur. Den 6,7 km lange turen startar og sluttar på oppmerka sti, frå parkeringen på Mælsvegen.
Ein fylgjer Mælsvegen omlag 200 meter frå parkeringen før ein går inn på stien på ein skogsveg. Stien stig jamt, med fleire flotte utsiktspunkt undervegs, før du kjem til sherpatrappa «Hardangertrappa», som snor seg opp den bratte fjellsida. Vidare går stien oppover gjennom Furuskora før han svingar til venstre og blir delvis brattare.
